ᐃᖅᑲᓇᐃᔭᖅᑎᓄᑦ ᓇᔪᕐᕕᑦᓴᐃᑦ

ᐊᒥᓱᓄᑦ ᐃᑲᕐᕋᓄᑦ ᐱᓕᕆᑎᓪᓗᑎᑦ ᐊᕙᑎᒥᑦ, ᐅᑎᕈᒪᓲᖑᒐᕕᑦ ᓴᓗᒪᔪᒧᑦ ᐊᒻᒪᓗ ᐊᑲᐅᔪᒧᑦ ᐃᓂᑦᓴᒧᑦ ᑕᖃᐃᑦᓯᑦᓯᐊᕈᒪᑎᓪᓗᑎᑦ. ᓯᕕᐅ ᐊᑐᐃᓐᓇᐅᑎᑦᓯᓲᖅ ᑖᒃᑯᓂᖓ ᐃᑲᔪᖅᓱᓂᕐᒧᑦ ᐱᔨᑦᓯᕋᐅᑎᓂᒃ ᖁᕕᐊᓇᖅᑐᒥ, ᐃᓱᒫᓗᓐᓇᖏᑦᑐᒥᑦ ᑐᔪᕐᒥᓂᕐᒥᑦ.

ᐊᖏᖅᓯᒪᔪᒍᑦ ᖁᑦᓯᓂᖅᐹᒥᑦ ᒪᓕᓪᓗᑕ ᓴᓗᒪᑦᓯᐊᑎᑦᓯᓂᕐᒥᑦ. ᐊᑐᐃᓐᓇᐅᑎᑦᓯᓂᕐᒥᑦ ᑲᓲᒪᔪᒥᑦ ᐊᒻᒪᓗ ᐊᑦᑕᕐᓇᙱᑦᑐᒥᑦ ᐋᖅᑭᒋᐊᕈᑎᑦᓴᓂᑦ ᐊᖏᕐᕋᕆᔪᓐᓇᖅᑕᕐᓂ. ᐅᕙᑦᑎᓐᓂᙶᖅᑐᒥᒃ ᐃᓚᓯᒪᑎᑕᕗᑦ ᑐᔪᕐᒥᕕᓐᓄᑦ ᐱᔨᑦᓯᕋᐅᑎᓂᒃ, ᐃᓂᓕᒫᑦ ᓴᓗᒻᒪᖅᓴᖅᓯᒪᑦᓯᐊᕐᓗᑎᒃ, ᐊᑦᑕᕐᓇᖏᓪᓗᑎᒃ ᐊᒻᒪᓗ ᑕᖃᐃᖅᓯᑦᓯᐊᕐᓇᕐᓗᑎ.

ᐅᓯᓲᖑᔪᒍᑦ ᓱᓇᓕᒫᓂᑦ ᐃᓪᓗᕐᔪᐊᖅᐱᑦ ᐊᐅᓚᑦᓯᓂᕐᒧᑦ ᐃᓗᓕᖏᓐᓂᒃ ᐱᕚᓪᓕᕈᑎᖃᕐᓂᐊᕋᕕᑦ ᐊᑑᑎᖃᑦᓯᐊᖅᑐᒥᑦ ᐊᒻᒪᓗ ᐊᑦᓱᕈᕐᓇᙱᑦᑐᒥᑦ. ᐊᑕᐅᓯᕐᒧᑦ, ᐱᓕᕆᖃᑎᒌᓐᓂᒃᑯᑦ, ᐃᓕᓐᓂ ᐃᑲᔪᕈᓐᓇᖅᑐᒍᑦ ᐱᔨᑦᓯᕋᑦᓯᐊᕐᓂᕐᒧᑦ, ᐅᐊᑦᓯᔨᖃᕐᓂᕐᒧᑦ, ᐊᒻᒪᓗ ᐊᓪᓚᕝᕕᓯᐅᑎᓂᒃ ᐃᓂᓯᑦ ᐊᑐᖅᑕᐅᑦᓯᐊᓯᓐᓈᕐᓗᓂ ᐊᒻᒪᓗ, ᑕᐃᒪᐃᓕᕐᓗᓂ, ᐊᑭᑭᓐᓂᖅᓴᐅᔪᒥᒃ ᐊᐅᓚᑦᓯᓂᕐᒧᑦ ᐊᑭᖃᓕᕐᓗᓯ.

ᕿᑭᖅᑕᓂ ᓴᓇᔪᓕᕆᓂᕐᒧᑦ ᐃᓕᓐᓄᑦ ᐊᑐᐃᓐᓇᐅᑎᑦᓯᓲᑦ ᐅᖃᐅᔾᔪᐃᑦᓯᐊᓲᖑᓪᓗᑎᒃ ᐃᒥᕐᒧᑦ ᐊᒻᒪᓗ ᐃᒥᕐᒥᒃ ᐊᑐᕈᓐᓃᖅᑐᓂᒃ ᐋᖅᑭᒋᐊᕈᑎᑦᓴᓂᒃ ᐃᕝᕕᑦ ᐊᐅᓚᑕᖓᓄᑦ. ᒪᑲᑎᑦᓯᐊᕈᓐᓇᖅᑕᕗᑦ ᑕᒪᐃᓐᓂᒃ ᐱᓕᕆᐊᑦᓴᐅᔪᒥᒃ ᐃᓕᐅᕋᐃᓂᕐᒥᑦ ᐋᖅᑭᐅᒪᑎᑦᓯᓂᕐᒥᓪᓗ ᐱᔪᓐᓇᐅᑎᑖᕐᓂᕐᒥᑦ ᐊᒻᒪᓗ ᐊᐅᓚᑦᓯᓂᕐᒥᑦ ᓱᓇᒃᑯᑖᓂᒃ.

• ᐱᒍᓐᓇᖅᑐᑎᑦ ᐱᒍᒪᓪᓚᕆᑦᑕᕐᓂᒃ, ᐱᒋᐊᖃᓕᕈᕕᐅᒃ ᓴᓇᓯᒪᕙᒌᖅᑐᓂᒃ ᐊᒻᒪᓗ ᐋᖅᑭᑦᑕᐅᔪᓐᓇᖅᑐᒃᑯᑦ
• ᐃᓕᐅᕋᐃᓂᕐᒧᑦ ᐊᒻᒪᓗ ᐊᐅᓚᑦᓯᓂᕐᒧᑦ ᐊᑭᓖᙱᓐᓂᖅᓴᐅᒐᔭᖅᑐᑎᑦ ᐊᑲᐅᓈᖅᑎᑦᓯᓂᒃᑯᑦ ᐋᖅᑭᒋᐊᕈᑎᑦᓴᑦᑎᓐᓄᑦ
• ᐃᓕᓐᓄᑦ ᕿᓚᒻᒥᐅᓂᖅᓴᐅᒐᔭᖅᑐᖅ ᕿᓚᒥᑯᓗᒃ ᐃᓕᐅᕋᐃᓲᖑᓂᑦᑎᓐᓂᒃ
• ᐱᓕᕆᔨᒻᒪᕆᐅᕗᒍᑦ ᒪᓕᒐᕐᓂᒃ ᒪᓕᒋᐊᓕᓐᓂᒃ ᐊᒻᒪᓗ ᐊᕙᑎᓕᕆᓂᕐᒧᑦ ᐊᑐᕆᐊᓗᓐᓄᑦ
• ᐃᓱᒫᓗᙱᓪᓗᑎᑦ ᐱᓕᕆᑦᓯᐊᖅᓯᒪᔭᑦᑎᓐᓂᒃ ᐊᑦᑕᕐᓇᖅᑕᐃᓕᒪᑎᑦᓯᓂᕐᒥᑦ

ᐃᒥᖅᑕᐅᒍᓐᓇᖅᑐᒥᑦ ᓱᓪᓗᑯᑖᓂᒃ

ᓈᒻᒪᑦᑐᒥᑦ ᓴᙱᓂᕐᒥᑦ ᐊᒻᒪᓗ ᐊᑑᑎᖃᑦᓯᐊᖅᑐᒥᒃ ᐃᒥᖅᑕᐅᒍᓐᓇᖅᑐᒥᑦ ᐃᒪᖃᕋᔭᖅᑐᑎᑦ ᐱᐅᑦᑎᐊᖅᑐᒧᑦ, ᑲᒪᒋᔭᐅᑦᑎᐊᖅᑐᒧᑦ ᓱᓪᓗᑯᑖᓐᓄᑦ. ᐃᓱᒫᓗᙱᓪᓗᑎᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓱᒫᓘᑎᒋᔭᓐᓂᒃ ᐃᒪᖃᐅᑎᑦᑎᓐᓂᒃ, ᓱᓪᓗᑯᑖᑦᑎᓐᓂᒃ ᐊᒻᒪᓗ ᑯᕕᔪᖁᑎᑦᑎᓐᓂᒃ ᓴᓇᓯᒪᔪᑦ ᐊᒻᒪᓗ ᐋᖅᑭᐅᒪᑎᑕᐅᓪᓗᑎ ᒪᓕᑦᓯᐊᖅᓱᑎᒃ ᓴᓇᔪᓕᕆᓂᕐᒧᑦ ᐱᐅᓯᑦᓯᐊᕙᐅᓛᓂᒃ ᐱᓕᕆᔾᔪᓯᕐᓂᒃ.

ᑭᓈᓗᓐᓂᒃ ᓄᐊᑦᓯᕖᑦ

ᐱᓕᕆᐊᕆᔪᒪᙱᑕᐃᑦ ᐱᓕᕆᒍᓐᓇᖅᑕᕗᑦ. ᐅᓗᕆᐊᓇᖅᑐᒦᙱᓐᓂᖅᓴᐅᓂᕐᒥᑦ ᑲᒪᒋᔭᖃᕐᓂᕐᒥᑦ ᐅᓗᕆᐊᓇᖅᑐᒥᑦ ᓴᓂᕐᓂᒃ ᐱᓕᕆᖃᑎᒌᖁᑎᕗᑦ ᐊᔪᙱᓐᓂᖃᑦᓯᐊᖅᑐᑦ ᐊᒻᒪᓗ ᐱᓕᕆᔨᒻᒪᕆᑦ ᐊᐅᓚᑦᓯᖔᕐᓗᑎᑦ ᐃᓕᓐᓄᑦ. ᑭᓈᓗᓐᓂᒃ ᑲᒪᒋᔭᖃᑦᓯᐊᓲᖑᔪᒍᑦ ᐃᒋᑦᓯᓲᖑᔪᒍᓪᓗ ᑯᕕᔪᖃᓐᓂᐊᖏᒻᒪᑦ ᐅᕝᕙᓘᓐᓃᑦ ᐊᓯᖔᖓᓂᒃ ᐊᕙᑎᒧᑦ ᐃᓱᒫᓘᑎᑦᓴᒥᑦ. ᑖᓐᓇ ᐱᓕᕆᐊᖑᔭᕆᐊᓕᒃ ᑭᓇᒧᒃᑭᐊᖅ, ᐱᓕᕆᔨᒻᒪᕆᐅᕗᒍᑦ.

ᐱᔪᓐᓇᐅᑎᒧᑦ ᐊᓪᓚᕝᕕᓕᕆᓂᕐᒥᑦ

ᐱᒋᐊᖃᕐᓂᕐᒥᑦ ᐊᑐᕆᐊᓕᓐᓂᒃ ᐱᔪᓐᓇᐅᑎᓂᒃ ᐊᒻᒪᓗ ᐊᖏᖅᑕᐅᓇᓱᐊᕐᓂᖅ ᓇᓗᓇᑐᐃᓐᓇᕆᐊᓕᒃ, ᐊᑯᓂᐅᑐᐃᓐᓇᕆᐊᓕᒃ ᐊᒻᒪᓗ ᐊᑦᓱᕈᓐᓇᑐᐃᓐᓇᕆᐊᓕᒃ. ᖁᑦᓯᓐᓂᓕᕇᑦᑐᓂᒃ ᐊᖏᖅᑎᐅᓂᕐᒧᑦ ᐃᓚᖃᖅᑐᖅ ᕼᐋᒻᒪᓚᓂᑦ, ᓂᒋᐊᓂ ᐊᕕᑦᑐᖅᓯᒪᔪᓂᒃ ᐊᒻᒪᓗ ᒐᕙᒪᑐᖃᒃᑯᓐᓂᑦ, ᐱᓕᕆᓂᐅᔪᖅ ᐊᕐᕌᒍᒐᓵᓗᓐᓅᖓᔪᓐᓇᖅᑐᖅ ᐱᔾᔪᑎᖃᕐᓗᓂ ᐱᓕᕆᐊᑦᓴᐅᑉ ᐊᖏᓂᕆᔭᖓᓂ ᐊᒻᒪᓗ ᐱᔭᕆᐊᑐᓂᕆᔭᖓᓂ. ᐸᐃᑉᐹᓕᕆᓂᕐᒧᑦ ᐊᑦᓱᕈᓗᐊᙱᓪᓗᑎᑦ ᐃᓕᓐᓄᑦ ᐱᓕᕆᒍᓐᓇᖅᑕᕗᑦ. ᐱᓕᕆᕝᕕᑦᑎᓐᓂᒃ ᐱᓕᕆᔨᒻᒪᕆᑉᐳᑦ ᑲᒪᒋᔭᖃᕈᓐᓇᖅᑐᑦ ᐅᕝᕙᓘᓐᓃᑦ ᐃᑲᔪᕈᓐᓇᖅᑐᑦ ᒐᕙᒪᓕᕆᓂᕐᒧᑦ, ᓄᓇᓕᒻᒥ ᐊᒻᒪᓗ ᑎᒍᒥᐊᖅᑎᐅᔪᓂᒃ ᑲᑎᒪᖃᑎᖃᕐᓂᕐᒥᑦ, ᓄᓇᒥᑦ ᓇᒻᒥᓂᖃᖅᑎᐅᔪᓂᓪᓗ, ᐃᓛᒃᑰᖑᔪᑦ ᑲᑎᙵᔪᑦ ᐊᒻᒪᓗ ᐊᓪᓚᐃᑦ.

ᓇᓗᓇᐃᒃᑯᑕᓖᑦ ᐊᐅᓚᑦᓯᓂᕐᒧᑦ

ᐱᓕᕆᓂᑰᑦᓯᐊᖅᑐᑦ ᐊᒻᒪᓗ ᓇᓗᓇᐃᒃᑯᑕᖃᖅᑐᑦ ᐃᒥᕐᒥᑦ ᐊᒻᒪᓗ ᐃᒥᕐᒥᑦ ᐊᑐᕈᓐᓃᖅᑐᒥᑦ ᐊᐅᓚᑦᓯᔨᕗᑦ, ᐱᓕᕆᐊᑦᓴᒧᑦ ᓴᓇᔨᕗᑦ ᐊᒻᒪᓗ ᐱᓕᕆᔨᒻᒪᕆᑉᐳᑦ ᐃᑲᔪᖅᓱᓂᕐᒧᑦ ᐃᕝᕕᑦ ᐱᓕᕆᐊᑦᓴᖓᓂ ᑲᒪᒍᓐᓇᖅᑐᑦ ᐃᓕᐅᕋᐃᓂᕐᒥᑦ ᐋᖅᑭᐅᒪᑎᑦᓯᓂᕐᒧᑦ, ᐃᓚᖃᕐᓗᓂ ᐱᓕᕆᐊᑦᓴᒥᑦ ᐊᐅᓚᑦᓯᓂᕐᒥᑦ, ᑲᑎᒪᑎᑦᓯᓂᕐᒧᑦ ᐱᔨᑦᓯᕋᐅᑎᓂᒃ, ᐃᓂᓂ ᖃᐅᔨᓴᕐᓂᕐᒥᑦ, ᐱᓕᕆᕝᕕᓂ ᐊᐅᓚᑦᓯᓂᕐᒥᑦ ᐊᒻᒪᓗ ᐃᒥᕐᒥᑦ ᖃᐅᔨᓴᕐᓂᕐᒥᑦ.

ᐃᓗᐃᑦᑑᓕᖓᔪᖅ ᐱᔭᕇᖅᑕᐅᕙᒋᖅᑐᓄᑦ ᐋᖅᑭᒋᐊᕈᑎᕗᑦ ᐱᒋᐊᕈᑎᖃᓲᖅ ᐃᓂᒋᔭᓐᓂᒃ ᐊᒻᒪᓗ ᐃᓱᓕᓲᖅ ᐲᔭᐃᓂᕐᒧᑦ ᐊᐅᓚᑦᓯᓂᕐᒥᑦ. ᐸᕐᓇᐃᓂᕐᒥᑦ, ᐋᖅᑭᐅᒪᑎᑦᓯᓂᕐᒧᑦ ᐊᒻᒪᓗ ᓴᓇᒪᓂᖓᓄᑦ, ᐅᓯᑲᑦᑕᕐᓂᕐᒧᑦ, ᓴᓇᔪᓕᕆᓂᕐᒧᑦ, ᓇᑉᐸᑦᑎᕆᓂᕐᒧᑦ ᐊᒻᒪᓗ ᐃᓕᐅᕋᐃᓂᕐᒧᑦ, ᐃᓂᐅᔪᒥᑦ ᐱᔨᑦᓯᕋᐅᑎᓄᑦ, ᓂᕿᓕᕆᓂᕐᒧᑦ ᐊᒻᒪᓗ ᓴᓗᒻᒪᖅᓴᐃᓂᕐᒧᑦ ᐱᔨᑦᓯᕋᐅᑎᓂᒃ, ᐊᒻᒪᓗ ᑲᔪᓰᓐᓇᖅᑐᒥᒃ ᐋᖅᑭᐅᒪᑎᑦᓯᓂᕐᒥᑦ − ᐊᑕᖏᖅᑐᒋᑦ ᑲᒪᒋᖃᑦᑕᖅᑕᕗᑦ.

ᕿᑭᖅᑕᓂ ᓴᓇᔪᓕᕆᓂᕐᒧᑦ ᓇᓕᒧᒌᓕᖅᑎᑦᓯᓲᑦ ᐸᕐᓇᐃᓂᒃᑯᑦ ᑲᑐᔾᔨᖃᑎᒌᓂᕐᒥᑦ ᓄᓇᓕᒻᒥ ᓇᒻᒥᓂᕆᔭᐅᔪᓂᒃ ᐊᐅᓚᓂᕆᔭᐃᑦ ᐃᓕᓐᓅᖓᑦᓯᐊᖁᓪᓗᒍ. ᑐᑭᓯᐅᒪᔪᒍᑦ ᐱᓕᕆᐊᑦᓴᓕᒫᑦ ᐊᔾᔨᒌᙱᑦᑐᑦ, ᐱᒋᐊᕈᑎᖃᖅᑐᒍᑦ ᑐᑭᓯᐅᒪᓂᕐᒥᑦ ᑐᕌᒐᕆᔭᓐᓂᒃ, ᐊᒻᒪᓗ ᖃᐅᔨᕋᓱᐊᕐᓂᕐᒥᑦ ᐊᕝᕕᐊᕈᑕᐅᔪᓂᒃ ᐊᒻᒪᓗ ᐅᓗᕆᐊᓇᕐᓂᐅᔪᓂᒃ. ᐱᓕᕆᑦᓯᐊᕋᓱᐊᓲᖑᔪᒍᑦ ᓇᐅᒃᑯᑦ ᐊᑲᐅᓈᖅᑎᑦᓯᒍᓐᓇᕐᒪᖔᑦᑕ ᐱᔨᑦᓯᕋᖅᑕᑦᑎᓐᓄᑦ ᐱᓕᕆᐊᑦᓴᐅᑉ ᐱᒋᐊᙵᕐᓂᖓᓂ. ᐱᓕᕆᓲᖑᔪᒍᑦ ᓈᒻᒪᓈᖅᑎᑦᓯᒐᓱᐊᖅᓱᑕ ᐸᕐᓇᐅᑎᓂᒃ, ᑮᓇᐅᔭᕐᓂᒃ ᐊᑐᖅᑐᑦᓴᓕᐊᓂᒃ ᐊᒻᒪᓗ ᐃᑲᕐᕋᕆᔭᐅᔪᓂᒃ ᑎᑭᐅᒪᓂᕐᒧᑦ ᐃᕝᕕᑦ ᐱᒋᐊᓕᖏᓐᓂᒃ. ᑭᖑᓂᐊᒍᑦ ᑐᕌᒐᕆᔭᕗᑦ ᐊᑐᐃᓐᓇᐅᑎᑦᓯᓂᕐᒥᑦ ᐊᑦᑕᕐᓇᙱᑦᑐᒥᑦ, ᐅᑭᐅᖅᑕᖅᑐᒥ ᐊᖏᕐᕋᒥᑦ ᐊᒻᒪᓗ ᐃᖅᑲᓇᐃᔭᕐᕕᒻᒥᑦ ᐃᖅᑲᓇᐃᔭᖅᑎᑎᑦ ᑕᒫᓃᒍᒪᓂᐊᕐᒪᑕ. ᖁᑦᓯᑦᑐᒥᑦ ᑲᒪᑦᓯᐊᓲᖑᔪᒍᑦ ᐊᒻᒪᓗ ᐸᖅᑭᑦᓯᐊᓲᖑᔪᒍᑦ, ᐱᓕᕆᖃᑎᖃᕐᓗᑕ ᐱᔨᑦᓯᕋᖅᑕᐅᔪᓂᒃ ᐊᒻᒪᓗ ᑎᒍᒥᐊᖅᑎᐅᖃᑕᐅᔪᓂᒃ ᐊᑕᖏᕐᓗᑎᒃ ᑕᑯᔪᓐᓇᕐᓂᐊᕐᒪᑕ ᐱᒻᒪᕆᐅᒍᓱᑦᑎᓐᓂᒃ ᐱᔨᑦᓯᕋᐅᑎᑦᑎᓐᓂᒃ.