ᓱᒻᒪᑦ ᑲᑐᔾᔨᖃᑎᖃᓪᓗᐊᖅᐱᑦ ᐅᕙᑦᑎᓐᓂ?
ᕿᑭᖅᑕᓂ ᓴᓇᔪᓕᕆᓂᕐᒧᑦ ᓯᕗᓪᓕᐅᔾᔪᓲᑦ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒥᑦ ᐊᒻᒪᓗ ᐃᖅᑲᓇᐃᔭᖅᑎᑖᕋᓱᐊᖃᑦᑕᖅᑐᑦ ᐱᓕᒻᒪᑦᓴᐃᓂᒃᑯᑦ ᐊᒻᒪᓗ ᓴᖅᑭᔮᖅᑎᑦᓯᓂᒃᑯᑦ ᖁᑦᓯᓐᓂᐅᔪᓕᒫᓂᑦ ᐱᓕᕆᕝᕕᑦᑎᓐᓂᒃ. ᑐᕌᕐᓂᖃᓲᖑᔪᒍᑦ ᐱᕙᓪᓕᐊᑎᑦᓯᓂᕐᒥᑦ ᐃᓄᓐᓂᒃ ᓯᕗᓕᖅᑎᓂᒃ, ᖃᐅᔨᒪᔭᖏᓐᓂᒃ, ᐊᒻᒪᓗ ᐱᓕᕆᓂᑯᖏᓐᓂᒃ ᐃᖅᑲᓇᐃᔭᓯᓐᓈᑦ ᐱᓕᒻᒪᑦᓴᐃᓯᓐᓈᕐᓂᒃᑯᑦ ᐊᒻᒪᓗ ᐃᑲᔪᖅᓱᓂᕐᒥᑦ ᐱᓕᕆᔨᒻᒪᕆᐅᓂᕐᒧᑦ ᐱᕙᓪᓕᐊᑎᑦᓯᓂᕐᒥᑦ ᐃᖅᑲᓇᐃᔮᕆᔭᐃᑦ ᐋᖅᑭᒍᓐᓇᕐᓂᐊᕋᕕᐅᒃ.
ᐃᖅᑲᓇᐃᔭᕐᓂᖅ ᕿᑭᖅᑕᓂ ᓴᓇᔪᓕᕆᓂᕐᒧᒃᑯᓐᓂᒃ ᐃᖅᑲᓇᐃᔮᑦᓴᑐᐃᓐᓇᐅᖏᑦᑐᖅ, ᐊᑑᑎᖃᓪᓚᕆᑦᑐᓂ ᐃᖅᑲᓇᐃᔮᖑᕗᖅ ᐃᓅᓯᓕᒫᒧᑦ ᐊᑦᑐᖅᓯᓯᒪᓪᓗᓂ. ᐅᕙᑦᑎᓐᓄᑦ ᐃᖅᑲᓇᐃᔭᕆᐊᖅᑐᕆᑦ
ᓴᓇᔪᓕᕆᓂᕐᒧᑦ
ᐊᒡᒐᑎᑦ ᐊᑐᖔᕈᒪᕕᒌ ᐱᓕᕆᑎᓪᓗᑎᑦ? ᓴᓇᕐᕈᑏᑦ ᐊᒻᒪᓗ ᐊᐅᓚᐅᑎᓖᑦ ᖁᕕᐊᒋᓂᖅᓴᕆᕕᒌ ᐅᖃᓕᒫᒐᕐᓂᒃ ᐊᒻᒪᓗ ᖃᕋᓴᐅᔭᕐᒦᑦᑐᓂᒃ? ᐃᓄᖁᑎᒋᔭᐅᑐᐃᓐᓇᕆᐊᖃᖅᑐᑎᑦ ᓇᓂᓯᓗᑎᑦ ᓈᒻᒪᒋᔭᓐᓂᒃ, ᑮᓇᐅᔾᔭᓴᑦᓯᐊᕐᓇᖅᑐᒥᑦ ᓴᓇᔪᓕᕆᔨᐅᓂᕐᒧᑦ.
ᑐᔪᕐᒥᕕᐅᔪᓂᒃ ᐱᔨᑦᓯᕋᖅᑏᑦ
ᑐᔪᕐᒥᕕᒻᒥ ᐱᔨᑦᓯᕋᖅᑎᒃᑯᑦ ᐱᔭᑦᓴᖃᖅᑐᑦ ᑭᓱᓕᒫᒥᑦ ᒪᓂᒪᑎᑦᓯᓂᕐᒥᑦ ᑐᔪᕐᒥᓂᕐᒧᑦ, ᓂᕿᓕᕆᓂᕐᒧᑦ, ᓴᓗᒻᒪᖅᓴᐃᓂᕐᒧᑦ, ᐅᐊᑦᓯᔨᐅᓂᕐᒧᑦ, ᐆᒪᔪᓂᒃ ᓇᐅᑦᑎᖅᓱᖅᑎᐅᓂᕐᒧᑦ, ᑐᔪᕐᒥᔪᓄᑦ ᐱᔨᑦᓯᕋᐅᑎᓂᒃ, ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨ ᐊᑦᑕᕐᓇᖅᑕᐃᓕᔪᓕᕆᔨᓗ, ᑐᔪᕐᒥᕕᓂᑦ ᑲᒪᔩᑦ, ᐊᒻᒪᓗ ᑐᔪᕐᒥᕕᓂᑦ ᐊᐅᓚᑦᓯᓂᕐᒧᑦ. ᑕᐃᒪᐃᒻᒪᑦ, ᐱᕈᖅᐸᓪᓕᐊᑐᐃᓐᓇᖅᑐᖅ ᐊᒥᓱᓂᒃ ᐱᕕᑦᓴᑕᖃᖅᓱᓂ ᐱᕙᓪᓕᐊᑎᒍᓐᓇᕋᕕᐅᒃ ᐃᖅᑲᓇᐃᔮᕆᔭᐃᑦ.
ᓄᓇᓕᕗᑦ ᐃᑲᔪᖃᑦᑕᖅᑕᕗᑦ ᐃᖅᑲᓇᐃᔭᖅᑎᑦᓯᓂᕐᒥᑦ ᐃᓄᓐᓂᒃ.
ᕿᓂᕆᑦ ᐃᖅᑲᓇᐃᔮᑦᓴᓂᒃ ᐊᑐᐃᓐᓇᐅᔪᓂᒃ
ᕿᑭᖅᑕᓂ ᓴᓇᔪᓕᕆᓂᕐᒧᒃᑯᓐᓂᒃ ᒪᓂᒪᑎᑦᓯᓲᖑᔪᒍᑦ ᐃᖅᑲᓇᐃᔮᑦᓴᓂᒃ ᓄᓇᕗᒻᒥᐅᑕᓄᑦ ᐊᔾᔨᒋᙱᑦᑐᓂᒃ ᐱᓕᕆᓂᐅᔪᓂᒃ. ᐱᒋᐊᓕᓵᕈᕕᓪᓘᓐᓃᑦ ᓴᓇᔪᓕᕆᔨᐅᓂᕐᒧᑦ ᐅᕝᕙᓘᓐᓃᑦ ᐱᓕᕆᔨᒻᒪᕆᐅᒍᕕᑦ, ᐱᕕᑦᓴᕆᔭᑎᑦ ᐃᓱᖃᙱᑦᑐᑦ.
ᐃᓄᐃᑦ ᐃᖅᑲᓇᐃᔭᖅᑏᑦ
ᐱᓕᕆᐊᖃᓲᖑᔪᒍᑦ ᑭᑭᑦᓯᖏᓐᓂᕐᒥᑦ ᐊᒻᒪᓗ ᐊᖏᖅᓯᒪᔪᒍᑦ ᐊᑐᐃᓐᓇᐅᑎᑦᓯᓂᕐᒥᑦ ᐊᑦᑕᕐᓇᙱᑦᑐᒥᑦ, ᐊᔾᔨᒌᙱᑦᑐᓄᑦ, ᐊᒻᒪᓗ ᐃᑉᐱᒍᓱᑦᓯᐊᖅᑐᒥᑦ ᐃᖅᑲᓇᐃᔭᕐᕕᒻᒥᑦ ᐊᑐᓂ ᐃᖅᑲᓇᐃᔭᖅᑎᓕᒫᖅ ᑲᔪᓯᓂᖃᑦᓯᐊᕈᓐᓇᕐᓗᓂ.