ᕿᒥᕐᕈᓂᖅ
ᕿᑭᖅᑕᓂ ᓴᓇᔪᓕᕆᓂᕐᒧᑦ ᐊᔪᙱᓐᓂᖃᖅᑐᑦ ᐊᒻᒪᓗ ᐊᑐᐃᓐᓇᖃᖅᑐᑦ ᓄᓇᓕᓐᓂ ᐸᕐᓇᐃᓂᒃᑯᑦ ᑲᑐᔾᔨᖃᑎᖃᕐᓂᕐᒥᑦ ᐊᔪᙱᓐᓂᖃᕐᓂᕐᒧᑦ ᓴᓇᒪᓂᖓᓄᑦ, ᓴᓇᓂᕐᒧᑦ, ᐃᓕᐅᕋᐃᓂᕐᒧᑦ ᐊᒻᒪᓗ ᐊᐅᓚᑦᓯᓂᕐᒥᑦ ᐸᕐᓇᒍᑎᖏᓐᓂᒃ ᐅᖓᓯᑦᑐᒥᑦ ᐃᖅᑲᓇᐃᔭᕐᕕᒻᒥᑦ ᑐᔪᕐᒥᕕᑦᓴᓂᑦ ᐃᓪᓗᓕᐅᕐᓂᕐᒧᑦ ᐱᓕᕆᐊᑦᓴᐅᔪᓄᑦ. ᑐᑭᓯᐊᒪᔭᕗᑦ ᐅᑭᐅᖅᑕᖅᑑᑉ ᓄᓇᖓ ᐊᒻᒪᓗ ᐊᑦᓱᕈᓐᓇᕐᓂᕆᔭᖓ ᓇᑉᐸᖅᑎᕆᓂᕐᒥᑦ ᐅᑭᐅᖅᑕᖅᑐᒥ. ᐃᓕᑦᓯᓐᓅᖓᑎᒍᓐᓇᖅᑕᕗᑦ ᓴᓇᔭᐅᓯᒪᓂᖓ ᐊᒻᒪᓗ ᐃᓕᐅᕋᖅᑕᐅᓯᒪᓂᖓ ᑐᔪᕐᒥᕕᐅᓂᐊᖅᑐᖅ, ᑐᔪᕐᒥᕕᓕᐅᕈᓐᓇᖅᑐᒍᑦ ᐊᒻᒪᓗ ᒪᑭᒪᔾᔪᑎᑦᓴᓂᑦ ᓴᖅᑮᓂᕐᒥᑦ ᐃᕝᕕᑦ ᐊᖏᕐᕋᕆᓂᐊᕋᕕᐅᒃ ᐊᖏᕐᕋᓐᓃᙱᑲᐃᓐᓇᑎᓪᓗᑎᑦ.
ᕿᑭᖅᑕᓂ ᓴᓇᔪᓕᕆᓂᕐᒧᑦ ᐊᑐᐃᓐᓇᐅᑎᑦᓯᓲᑦ ᐃᓪᓗᓕᐅᕐᓂᕐᒨᖓᔪᓂᒃ ᓴᓇᔭᐅᓯᒪᕙᒌᖅᑐᓂᒃ ᓴᓇᕕᑦᑎᓐᓂᒃ. ᓴᖅᑭᑕᐅᓂᖓ ᑕᐃᒫᓱᓕᐅᔪᖅ ᐋᖅᑭᑦᑕᐅᓯᒪᖁᔭᐃᑦ ᐃᓪᓗᕐᔪᐊᖅ ᑎᑭᐅᒪᓗᓂ ᐃᖅᑲᓇᐃᔭᖅᑎᕕᑦ ᐱᒋᐊᖃᖅᑕᖏᓐᓂᒃ, ᑭᓯᐊᓂ ᐱᓕᕆᓂᖓ ᐊᑑᑎᖃᑦᓯᐊᓂᖅᓴᐅᔪᖅ ᐊᒻᒪᓗ ᐱᐅᑦᓯᐊᕐᓗᓂ ᐊᒻᒪᓗ ᐊᐅᓚᓂᖃᖅᓱᓂ.
ᐊᔪᙱᓐᓂᖃᒻᒪᕆᑦᑐᑦ ᐃᓕᐅᕋᐃᓂᕐᒧᑦ ᐱᓕᕆᔨᒻᒪᕆᑉᐳᑦ ᐱᐅᑦᓯᐊᖅᑐᒥᑦ ᐱᓕᕆᓲᑦ ᐊᒻᒪᓗ ᖃᐅᔨᓇᓱᓲᑦ ᐊᔾᔨᐅᙱᑦᑐᓂᒃ ᑐᑭᓯᐅᒪᓂᖃᕋᓱᐊᕐᓂᕐᒥᑦ ᓄᓇᒥᑦ ᐊᒻᒪᓗ ᓴᓇᔭᐅᓂᕐᒧᑦ ᐱᕕᖃᕐᓂᐅᕙᑦᑐᑦ ᐅᑭᐅᖅᑕᖅᑐᒥ. ᑲᒪᒋᔭᖃᓲᖑᔪᒍᑦ ᑭᓱᓕᒫᓂᑦ ᐱᔭᕇᖅᓯᓂᕐᒧᑦ, ᖃᐅᒻᒪᖅᑯᑎᓄᑦ ᐊᕙᑎᑦᓯᐊᕙᒻᒧᑦ ᑐᙵᓇᖅᑐᒥᑦ, ᓴᐃᓕᓇᖅᑐᒥᑦ ᐊᒻᒪᓗ ᐊᖏᕐᕋᐅᔪᒥᒃ.
ᓴᓇᔪᓕᕆᓂᕐᒧᑦ ᐊᒻᒪᓗ ᐃᖏᕐᕋᔪᓕᕆᓂᕐᒧᑦ ᑲᑐᔾᔨᖃᑎᖃᕐᓂᕐᒥᑦ ᑲᒻᐸᓂᐅᖃᑎᒋᔭᑦᑎᓐᓂᒃ ᕿᑭᖅᑕᓂ ᓴᓇᔪᓕᕆᓂᕐᒧᑦ ᐊᑦᑕᕐᓇᙱᑦᑐᒥᑦ ᐊᒻᒪᓗ ᐊᑑᑎᖃᑦᓯᐊᖅᑐᒥᒃ ᐃᖏᕐᕋᑎᑦᓯᒍᓐᓇᖅᑐᒍᑦ ᓱᓇᒃᑯᑖᕆᔭᓐᓂᒃ ᐊᒻᒪᓗ ᐃᓄᓐᓂᒃ ᐅᖓᓯᑦᑐᒧᑦ ᐃᓂᓄᑦ; ᐊᐅᓚᑦᓯᓲᖑᔪᒍᑦ ᓴᓇᔪᓕᕆᓂᕐᒨᖓᔪᓂᒃ ᑭᖑᕙᖓᖁᖏᓪᓗᑎᒃ, ᐊᒻᒪᓗ ᑮᓇᐅᔭᕐᓂᒃ ᐊᑐᖅᑐᑦᓴᓂᒃ ᖄᖏᐅᑎᖁᓇᑎᑦ.
ᓇᒻᒥᓂᕆᔭᓐᓄᑦ ᐋᖅᑭᒋᐊᕈᑎᑦᓴᐃᑦ ᐱᒻᒪᕆᐅᔪᓄᑦ ᐅᑭᐅᖅᑕᖅᑐᒥ ᐊᐅᓚᑦᓯᓂᐅᔪᓄᑦ
ᐅᓂᒃᑳᕆᔭᐅᔪᑦ ᑲᔪᓯᑦᑎᐋᖅᓯᒪᓃᑦ
ᐅᑭᐅᖅᑕᖅᑐᒥ ᐃᓪᓗᓕᐅᕐᓂᕐᒧᑦ ᐱᕙᓪᓕᐊᔪᑦ
- January 17, 2022
- admin
ᕿᑭᖅᑕᓂ ᓴᓇᕕᓕᕆᓂᕐᒧᑦ ᑎᒥᖁᑖ ᓴᓇᔪᓕᕆᓂᕐᒨᑦᓴᓂᕐᒧᑦ ᐱᓕᕆᐊᑦᓴᖓ ᐱᐅᒋᔭᐅᔪᒻᒪᕆᐊᓗᒃ ᕿᑭᖅᑕᓂ ᐊᕕᑦᑐᖅᓯᒪᓂᕆᔭᖓᓂ. ᑲᑐᔾᔨᖃᑎᖃᖅᓱᑎᒃ ᑲᑭᕙᒃᑯᓐᓂ ᐊᒻᒪᓗ NCC-ᑯᓐᓂ.
QWorks ᖃᕋᓴᐅᔭᒃᑯᑦ ᐃᓕᓐᓂᐊᓂᕐᒧᑦ ᐃᓯᕈᑎ
- January 17, 2022
- admin
ᕿᑭᖅᑕᓂ ᓴᓇᔪᓕᕆᓂᕐᒧᑦ ᖁᕕᐊᓱᓪᓚᕆᑦᑐᑦ ᐅᖃᐅᓯᖃᕆᐊᖓ ᐱᕙᓪᓕᐊᕈᑕᐅᔪᒥᒃ ᖃᕋᓴᐅᔭᒃᑯᑦ ᐃᓕᓐᓂᐊᕈᑎᑦᓴᒥᑦ ᑲᑐᔾᔨᖃᑎᖃᖅᓱᑎᒃ ᒪᑭᒋᐊᖅᑕᒃᑯᓐᓂᒃ ᐊᑭᖃᙱᑦᑐᒥᑦ ᐊᑐᐃᓐᓇᖃᕐᕕᐅᓂᕐᒥᑦ ᐃᓕᓐᓂᐊᕈᓐᓇᕐᓂᕐᒥᑦ ᓄᓇᕗᒻᒥᐅᓕᒫᓄᑦ. ᑖᓐᓇ ᖃᕋᓴᐅᔭᒃᑯᑦ ᐃᓕᓐᓂᐊᕈᑎᑦᓴᖅ ᐊᑐᐃᓐᓇᐅᑎᑦᓯᓚᖓᔪᖅ ᓄᓇᓕᒻᒥᐅᑕᓂᒃ ᐊᑐᐃᓐᓇᖃᕐᕕᐅᓗᑎᒃ ᐃᓕᓐᓂᐊᕈᑎᑦᓴᓂᑦ ᐊᒻᒪᓗ ᖃᕋᓴᐅᔭᒃᑯᑦ ᐃᓕᓐᓂᐊᕈᓐᓇᕐᓂᕐᒥᑦ ᐃᑲᔪᖅᓱᓂᕐᒧᑦ ᐊᔪᕈᓐᓃᖅᓴᓂᕐᒧᑦ…
ᐃᓪᓗᓕᐅᕐᓂᕐᒧᑦ ᑐᙵᕖᑦ – ᐱᓕᒻᒪᑦᓴᐃᓂᕐᒧᑦ ᐱᓕᕆᐊᑦᓴᖅ
- January 17, 2022
- admin
Qikiqtani Industry is pleased to announce our upcoming Construction Foundations Training program in partnership with Government of Nunavut – Department of Family Services, NCC investments…